సమూహ నిధులు – Crowdfunding by Camp Sasi

Crowdfunding

“శశి & batch crowdfunding పేరుతో జనాల దగ్గర డబ్బులు తీసుకుని ఎగరేస్తారు” అని ఒక తప్పుడు అభిప్రాయం ఉంది కొందరిలో. First thing ఇప్పటివరకు మేము చేసిన crowdfunding campaigns అన్నీ ప్లాప్. మేము అడిగినంత కాదు కదా  కనీసం దరిదాపుల్లోకి కూడా మాకు డబ్బులు రాలేదు. మరి ఎలా తీస్తున్నాం ? మా campaign చూసి మా మీద అభిమానంతో మేమేదో కొత్తగా ప్రయత్నిస్తున్నాం కాబట్టి ఎంకరేజ్ చేద్దాం అని personal గా ఇచ్చిన డబ్బులతో షూటింగ్స్ వరకు ఫినిష్ చేసి పోస్ట్ ప్రొడక్షన్ దగ్గర లేట్ అవుతున్నాం. గత ఆరేళ్లలో మేము 12 ప్రాజెక్టులు చేసాం, ఆగిపోయినవి కాకుండా, నాలుగు బయటకు వచ్చాయి, మిగతావి పోస్టులో ఉన్నాయి. అవి కూడా పూర్తవుతాయి, కానీ కొంచెం టైం పడుతుంది.  ఎందుకిన్ని ప్రాజెక్టులు ఒకటే చేయొచ్చు కదా అంటే, మా cinema excitement అలాంటిది, ఏదన్నా ఐడియా అనుకోగానే అది స్క్రీన్ మీద ఎలా ఉంటుందో చూడాలని ఆతృత. పదివేలు ఉంటె షూటింగ్ మొదలుపెట్టేసి అప్పుడు అడుక్కుంటుంటాం. మేము తిన్నా తాగినా తిరిగినా ఆ డబ్బులతోనే, మాకింకేం వేరే ఆదాయ మార్గాలు లేవు. సినిమాలు చేసుకుంటూ సర్వైవ్ అవుతున్నాం. మేము కనీసం బట్టలు చెప్పులు కూడా కొనుక్కుమ్, ఇంట్లోవాళ్ళు లేదా మిత్రులు ఎవరైనా కొనిస్తారు. 

ప్రతిసారి ప్లాప్ అవుతున్నా మా ప్రయత్నం మాత్రం ఆపం, అందుకే ఇప్పుడు ఇంకో సినిమా కోసం crowdfunding మొదలుపెట్టాం, అదే A Love Letter To Camp. ప్రతి ఒక్కరి బాల్యం అందమైనది కాకపోవచ్చు, కష్టాలు కన్నీళ్లు కామన్. నాదీ అలాంటి బాల్యమే, కానీ అటువంటి పరిస్థితులలో కూడా నాకు మర్చిపోలేని జ్ఞాపకాలు ఇచ్చింది మా ఊరు. ప్రతి ఒక్కరికీ ఊరి జ్ఞాపకాలు ఉంటాయి, బతుకుతెరువు కోసం ఊరు వదిలి వెళ్ళినవాళ్ళు అవకాశం దొరికినప్పుడల్లా ఊరెళ్ళాలి అనుకునేవాళ్లే. సంక్రాంతి దసరా అప్పుడు హైదరాబాద్ సిటీ ఎంత ఖాళీ అయిపోతుందంటే, ఊహకందనంత ప్రశాంతంగా ఉంటుంది. లక్షల మంది  ఎలాగో ఒకలాగ టికెట్ ఎంతైనా సరే ఊరెళ్లాల్సిందే అనుకుని సిటీని వదిలి ఈ ట్రాఫిక్ కి పొల్యూషన్ కి stressfull బిజీ లైఫ్ కి దూరంగా మూడు రోజులైనా గడుపుదాం అనే కోరికతో ఊరికి పోయేవాళ్లే. 

మేము చేయబోతున్న ఈ సినిమాలో అదే చూయించబోతున్నాం, ఒక మేనమామ తన 25ఏళ్ళ మేనకోడలిని, ఎప్పుడూ పల్లెటూరు చూడని అమ్మాయిని మూడురోజులు ఒక మారుమూల పల్లెటూరికి తీసుకెళ్తాడు. అక్కడ ఆ అమ్మాయి అనుభవాలేంటి ఆమె చూసిన మనుషులు అక్కడి జీవనవిధానం ఇవన్నీ entertaining గా చెప్పాలన్నదే మా ప్రయత్నం. ఈసినిమా చూసాక మీకు ఊరెళ్లాలనిపిస్తుంది, ఒకవేళ వెళ్లలేకపోయినా మీ ఊరు మీ బాల్యం మళ్ళీ గుర్తుచేస్తుంది. 

అభివృద్ధి అనివార్యమైనది, దానివల్ల నగరాలు పట్టణాలు జనాలతో నిండిపోయి కనీస అవసరాలు కూడా తీరనంత స్థాయికి చేరుకుంటున్నాయి. మా ఈ “A Love Letter To Camp” మిమ్మల్ని ఒక రెండుగంటలపాటు ఒక పల్లెటూరులో తిప్పుతుంది. ఈ crowdfunding campaign కి మీరు చేయగలిగినంత చేయండి, డొనేట్ చేయండి, ఫ్రెండ్స్ కి లింక్ షేర్ చేయండి, ఎవరు స్పందిస్తారో తెలియదు కానీ మేము మాత్రం ఆశ వదులుకోమ్. ఎంతిస్తారు అనేది ముఖ్యం కాదు ఎంతిచ్చినా ఉపయోగమే. 

Write a comment